Qazaqstandyq «Detskaıa novaıa volna» baıqaýynda úzdik bestikke kirdi

Nur-Sultan qalalyq mádenıet jáne sport basqarmasynyń málimetinshe, baıqaýǵa álemniń 8 memleketinen 11 jas oryndaýshy qatysty. «Aıalaǵan Astana» respýblıkalyq balalar baıqaýynyń jeńimpazy Arýjan Demı Lovatonyń repertýarynan «Warrior» jáne Polına Gagarınanyń repertýarynan «Tantsýı so mnoı» ánderin oryndady.

Qazylar alqasynyń daýystary nátıjesinde Arýjan úzdik bestikke kirdi. Basty syılyqty Reseıdiń eki birdeı ánshisi Alısa Golomysova men Denberel Oorjak bóldi. Ekinshi oryndy Belarýsııalyq ıAroslav Sokolıkov ıemdendi. Al úshinshi orynǵa Ózbekstandyq Mılana Pak saı boldy.

Halyqaralyq qazylar alqasyna tanymal ártister men mýzykanttar kirdi. Olardyń ishinde Lev Leşenko, Oleg Gazmanov, Nıkolaı Baskov, Igor Krýtoı, ıÝlııa Savıchevalar bar.

Aıta keteıik, «Aıalaǵan Astana» baıqaýy 2013 jyldan bastap Qazaqstannyń túpkir-túpkirinen talanty balalarǵa ózderiniń vokaldyq darynyn kórsetýge jáne eń myqtylarmen oryndaýshylyq sheberlikterimen saıysýǵa múmkindik beredi. Baıqaýǵa 7 jáne 13 jas aralyǵyndaǵy balalar qatysa alady. Alǵash ret «Aıalaǵan Astana» elordanyń 15 jyldyǵyn merekeleý aıasynda uıymdastyrylǵan.