Qazaqstandyq desantshylar jańa «Búrkit» parashıýtiniń qurylymyn sátti meńgerdi (FOTO)
Bul parashıýt osy jyldyń basynda QK QÁ Aeroutqyr áskerlerine berilgen bolatyn, dep habarlaıdy QR Qorǵanys mınıstrliginiń baspasóz qyzmeti.
Bastapqyda ofıtser-nusqaýshylar parashıýtti qurastyrýdy úırenip, odan keıin olarǵa baǵynysty jaýyngerler dara jáne toptasqan túrde zerdeleýge kiristi.
Birinshi kezekte «Búrkitti» qoldaný barysynda ashý jáne qoný qaýipsizdigin meńgerip, basqarý ádisiniń qarapaıym bolýyna baılanysty qoný orny men shektelgen aımaqqa qonýdy josparlaý aıtarlyqtaı jeńil ótti.
Sonymen qatar parashıýttiń júk kóterý múmkindigi de artqan. Desantshylardyń tolyq jaýyngerlik jabdyqpen sekiretin eskersek, bul erekshe mańyzdy bolyp tabylady. Budan ózge osy parashıýt arqyly kez kelgen avıatsııa ushaǵynan sekirýdi oryndaý múmkindigi de bar.
Qazirgi ýaqytta qazaqstandyq Aeroutqyr áskerleriniń áskerı qyzmetshileri jańa qurylymdy is júzinde meńgerip, qolda bar parashıýtterdi tehnıkalyq turǵyda tekserýge kirisip ketti. Osyndaı tekserý jumystary jylyna eki ret tájirıbelik jańa oqý-jattyǵý sharalarynyń basynda ótkiziledi.
Parashıýtten sekirý - Aeroutqyr áskerleriniń negizgi jaýyngerlik daıarlyǵy. Aǵymdaǵy jyldyń basynda qazaqstandyq desantshylar 1 800-den asa sekirýdi oryndady, olardyń 600-den astamy túngi ýaqytta oryndalǵanyn aıta ketken jón.