Qazaqstandyq depýtattar Túrkııadaǵy referendýmdy baqylaıtyn bolady
BAKÝ. QazAqparat - Senator Manap Kóbenov pen Májilis depýtaty Bekbolat Tileýhan TúrikPa halyqaralyq baıqaýshylar mıssııasynyń quramynda Túrkııada konstıtýtsııalyq ózgeristerge baılanysty ótetin jalpyhalyqtyq referendýmdy qysqamerzimdi baqylaýǵa kiristi. Referendým Túrkııada 2017 jyldyń 16 sáýirinde ótedi, dep habarlaıdy «QazAqparat» HAA-niń Ázerbaıjandaǵy menshikti tilshisi.
Mıssııa quramyna sondaı-aq Ázerbaıjan men Qyrǵyzstan parlamentiniń depýtattary da kirdi. Baıqaýshylar Túrkııa Ortalyq saılaý komıssııasynyń tóraǵasy Saadı Gıývenmen kezdesti.
Gıývenniń sózinshe, Túrkııada jalpy alǵanda daýys berýge quqyǵy bar 55 mıllıon, shetelde 3 mıllıon Túrkııa azamattary bar.
Ol sózinde referendýmda daýys beretin azamattar sany 80 paıyzdan kem bolmaıtyndyǵyn aıtty.
TúrikPA delegatsııasy parlamenttik fraktsııa men bıleýshi Ádilet jáne damý partııasy men negizgi oppozıtsııalyq Respýblıkalyq halyqtyq partııa jetekshilerimen kezdesti.
