Qazaqstandyq delegatsııa ıÝNVTO Atqarýshy Keńesiniń sessııasyna qatysty
ANA. 1 qarasha. QazAqparat. 24-26 qazan aralyǵynda Kısh aralynda (Iran Islam Respýblıkasy) Qazaqstan 2007 jyldan bastap múshe bolyp tabylatyn Dúnıejúzilik týrıstik uıymnyń Atqarýshy Keńesiniń seksen toǵyzynshy sessııasy ótkizildi,
dep habarlaıdy QR Týrızm jáne sport mınıstrliginiń baspasóz qyzmeti.
Otyrysqa Keńeske múshe elderdiń, Qosylǵan músheler, sondaı-aq baqylaýshy elder ókilderi qatysty. Qazaqstan delegatsııasyn Týrızm jáne sport mınıstri Temirhan Dosmuhambetov bastap bardy.
Otyrys barysynda álemdik týrızm úderisi máseleleri talqylanyp, 2010-2011 jyldarǵa arnalǵan jalpy jumys josparynyń oryndalýy qarastyryldy, sondaı-aq ıÝNVTO-nyń Bas hatshysy T. Rıfaıdyń uıym qyzmeti týraly baıandamasy tyndaldy.
Bas hatshy Keńes nazaryna qaıta qarastyrylǵan Aq kitaptyń 89-shy sessııasynda aıtylǵan qajetti eskertýler men usynystarmen tolyqtyrylǵan jańa nusqasyn usyndy.
Sessııa jumysynyń barysynda mınıstr M. Dosmuhambetov ıÝNVTO Bas hatshysy T. Rıfaımen jáne Iran Islam Respýblıkasynyń vıtse-prezıdenti Hamıt Bagaımen kezdesti jáne basqa elderdiń ulttyq týrıstik ákimshilikteriniń ókilderimen týrızm salasyndaǵy yntymaqtastyqty odan ári nyǵaıtý týraly kelissózder júrgizdi.
