Qazaqstandyq delegatsııa ShYU Ulttyq úılestirýshileri keńesiniń otyrysyna qatysty

NUR-SULTAN. QazAqparat –20-23 tamyzda Máskeýde Shanhaı yntymaqtastyq uıymynda (ShYU) reseılik tóraǵalyǵy sheńberinde ShYU-ǵa múshe-memleketter Ulttyq úılestirýshileri keńesiniń birinshi otyrysy ótti. Bul týraly QazAqparat SІM baspasóz qyzmetine silteme jasap habarlaıdy.

Іs-sharaǵa ShYU máseleleri jónindegi Ulttyq úılestirýshi, QR SІM Erekshe tapsyrmalar jónindegi Elshisi Erlan Álimbaev qatysty.

Otyrysta Reseıdiń ShYU-daǵy tóraǵalyǵynyń basymdyqtary, múshe-memleketter basshylarynyń bastamalaryn iske asyrý barysy, ú.j. 31 qazan - 1 qarashada Tashkent qalasynda ótetin Uıym elderi Úkimet basshylary keńesiniń kezekti otyrysyna, sondaı-aq basqa da joǵary deńgeıdegi is-sharalarǵa daıyndyq jumystary talqylandy.

Sonymen qatar, Qazaqstan delegatsııasy QR Tuńǵysh Prezıdenti – Elbasy Nursultan Nazarbaev jáne QR Prezıdenti Qasym-Jomart Toqaevtyń Shanhaı uıymy sheńberindegi bastamalaryn ilgeriletý boıynsha birqatar usynystar jasady.

Іs-shara aıasynda Shanhaı yntymaqtastyq uıymynyń Ulttyq úılestirýshileri jáne Ujymdyq qaýipsizdik týraly shart uıymynyń turaqty ókilderiniń beıresmı konsýltatsııalary ótti. Qatysýshylar eki uıym arasynda yqpaldasýdyń yqtımal joldaryn damytý múmkindikteri týraly pikir almasty.