Qazaqstandyq delegatsııa Rýmynııanyń azamattyq avıatsııa júıesin zerttedi
Joǵaryda atalǵan sapar sheńberinde ushý qaýipsizdigi, avıatsııalyq qaýipsizdik, aeronavıgatsııa, áýeaılaqtar (tikushaq aılaqtary) jáne jerge qyzmet kórsetý, lıtsenzııalaý, emtıhan qyzmeti, pılotsyz avıatsııalyq júıeler jáne qaýipti júkterdi tasymaldaý máseleleri qaraldy.Aeronavıgatsııa salasynda qonýǵa kirýdiń belgilengen aspaptyq shemalaryna jáne jerdegi navıgatsııalyq quraldardyń qorǵanys aımaqtaryna áser etý turǵysynan turǵyzýǵa josparlanǵan obektilerdiń ushý qaýipsizdigine áserin baǵalaý protsesteri zerdelendi.
Sondaı-aq, GNSS (ǵalamdyq navıgatsııalyq spýtnıktik júıe) spýtnıktik sıgnal sapasynyń kútiletin nemese naqty buzylýy týraly NOTAM habarlamalaryn shyǵarý múmkindigi kórsetildi.
Áýeaılaqtar departamentiniń basshylyǵymen jáne qyzmetkerlerimen kezdesý ótkizildi, kezdesý barysynda jalpy qoljetimdilik úshin áýeaılaqtardy sertıfıkattaý, jalpy maqsattaǵy avıatsııa áýeaılaqtaryn sertıfıkattaý; áýeaılaq aýdanynda ǵımarattar men qurylystar salý úshin ruqsat berý rásimderi; tiri tabıǵatty baqylaýdy júzege asyrý tártibi, jerústi qyzmet kórsetýshilerdi sertıfıkattaý, perrondaǵy jerústi qozǵalysyn basqarý qyzmetterin jetkizýshilerge qoıylatyn talaptar máseleleri talqylandy. Býharest qalasyndaǵy Anrı Koanda atyndaǵy halyqaralyq áýejaıdyń jumysymen, onyń ishinde perrondaǵy qozǵalysty uıymdastyrýdy qamtamasyz etýdiń óndiristik qyzmetimen, ushýdy avarııalyq-qutqarý qyzmetimen tanystyrý júrgizildi.
Sonymen qatar, aeronavıgatsııalyq qyzmet kórsetý provaıderiniń dıspetcherlik pýnktine, áýe qozǵalysyna qyzmet kórsetý dıspetcherlerin daıarlaý trenajerlik ortalyǵyna (ÁQQ) bardy.
Sondaı-aq lıtsenzııalaý, eýropalyq avıatsııa qaýipsizdigi agenttiginiń (EASA) standarttary boıynsha avıatsııa personalynyń sheteldik kýálikterin taný protsesteri, biliktilik emtıhandaryn ótkizý jáne avıatsııalyq oqý ortalyqtaryn sertıfıkattaý tájirıbesi zerdelendi. Sonymen qatar, rýmyndyq retteýshiniń áriptesteri sala mamandary boıynsha derekterdi esepke alý jáne saqtaý boıynsha baǵdarlamalyq qamtamasyz etýdi ázirleý tájirıbesi men ereksheligimen bólisti.
Rýmynııanyń avıatsııalyq bıligi ushqyshsyz avıatsııalyq júıelerdi paıdalanýshylar men óndirýshige olardyń qyzmetimen tanysý úshin, sondaı-aq biryńǵaı eýropalyq zańnama sheńberinde jumys isteý protsesinde týyndaıtyn problemalyq sátterdi talqylaý úshin barýdy uıymdastyrdy.
Qaýipti júkterdi áýe arqyly qaýipsiz tasymaldaýǵa qatysty rýmyn áriptesteriniń Tehnıkalyq nusqaýlyqtardyń áreketinen bosatý, azamattyq avıatsııa sýbektilerin baqylaý men qadaǵalaýdy júzege asyrý, Normatıvtik-quqyqtyq retteý, EASA standarttaryn engizý, áýe kemelerin sheteldik paıdalanýshylarǵa perrondyq tekserýler júrgizý (SAFA), oqytýda quzyrettilik tásildi engizý, radıoaktıvti zattardy tasymaldaýdy retteý bóligindegi tájirıbesi zerdelendi.
Avıatsııalyq qaýipsizdik bóliginde memlekettik retteý júıesi, avıatsııalyq qaýipsizdik sharalaryn qamtamasyz etý jónindegi tetikter men fýnktsııalar, IKAO standarttary men usynylatyn praktıkasyn qoldaný jáne EO (EKAK) standarttaryn engizý, avıatsııalyq qaýipsizdik jónindegi normatıvtik quqyqtyq aktiler, áýejaılar men avıakompanııalardaǵy qaýipsizdik qyzmetterin praktıkalyq basqarý zerdelendi. Delegatsııa Býharest áýejaıynyń avıatsııalyq qaýipsizdik qyzmetiniń naqty jaraqtandyrylýymen jáne mazmunymen avıatsııalyq qaýipsizdik boıynsha tarıfti esepteý tetigimen, avıatsııalyq qaýipsizdik boıynsha sapany baqylaý men qadaǵalaýdy júzege asyrýmen, memlekettik jáne arnaıy organdarmen ózara is-qımylmen tanysty.
Bizdiń elimizde engizý úshin tartymdy tájirıbelerdiń biri-Rýmynııa áýejaılarynda barlyq tekserý is-sharalary, atap aıtqanda: jolaýshylardy, bagajdy, júkti, poshtany, borttyq tamaqtanýdy, sondaı-aq áýejaıdyń baqylanatyn aımaǵyna kiretin barlyq adamdar men taýarlardy tekserýdi biryńǵaı memlekettik operator júzege asyrady.
El áýejaılarynda avıatsııalyq qaýipsizdik qyzmetiniń jumys isteýin qamtamasyz etý maqsatynda árbir ushatyn jolaýshydan avıatsııalyq qaýipsizdik tarıfi boıynsha 6-7 eýro somasynda alym alynady, onyń bir bóligi 0,28 eýro somasynda Rýmynııanyń azamattyq avıatsııa ákimshiligi avıatsııalyq qaýipsizdik departamentiniń qyzmetin qarjylandyrý úshin jiberiledi.
Bul júıe óziniń tıimdiligin kórsetedi jáne Eýropalyq Odaqtyń jekelegen elderiniń avıatsııalyq qaýipsizdigin tıisti deńgeıde qamtamasyz etedi.
Kezdesý qorytyndysy boıynsha mamandar Eýropalyq Odaqtyń standarttary boıynsha ushý qaýipsizdigi men avıatsııalyq qaýipsizdikti qamtamasyz etý júıesinde jaqsy halyqaralyq tájirıbe aldy, ol Qazaqstan Respýblıkasynyń azamattyq avıatsııa salasyndaǵy memlekettik basqarý júıesin jetildirý protsesinde paıdalanylatyn bolady.
