Qazaqstandyq delegatsııa Reseıdiń spýtnık qurastyratyn kompanııasyna bardy

ASTANA. QazAqparat - «Akademık M.F. Reshetnev atyndaǵy «Aqparattyq seriktik júıeler» (ASJ) kompanııasyna Qazaqstan Respýblıkasynyń úkimettik delegatsııasy bardy, dep habarlaıdy «QazAqparat» HAA tilshisi reseılik kompanııanyń baspasóz qyzmetine silteme jasap.

Reseıdiń jetekshi spýtnık qurastyratyn kompanııasyna barǵan delegatsııasynyń quramynda QR Qorǵanys jáne aeroǵarysh ónerkásibi mınıstrliginiń, respýblıkalyq ǵaryshtyq baılanys ortalyǵy men «Ǵalam» frantsýzdyq-qazaqstandyq kásipornynyń ókilderi bar. Delegatsııany vıtse-mınıstr Marat Nurǵojın basqarady.

Sapar barysynda Qazaqstan Respýblıkasynyń delegatsııa músheleri, «Roskosmos» memlekettik korporatsııasy men akademık M.F. Reshetnev atyndaǵy ASJ kompanııasynyń ókilderi telekommýnıkatsııalyq ǵaryshtyq qurylǵylardy jasap shyǵarý týraly yntymaqtastyqty damytý máselelerin talqylaýda.

M.F. Reshetnev atyndaǵy ASJ reseılik kompanııasy qazaqstandyq baılanys serigi men habar taratatyn KazSat-3-ti jasap shyǵarǵan.