Qazaqstandyq delegatsııa ICT Spring Europe forýmyna qatysty
ASTANA. QazAqparat - QR qorǵanys jáne aeroǵarysh ónerkásibi vıtse-mınıstri Marat Nurǵojınniń basshylyǵymen qazaqstandyq delegatsııa Lıýksembýrgte ICT Spring Europe IT-tehnologııalar forýmyna qatysty, dep habarlady «QazAqparat» HAA tilshisi.
Mınıstrlik baspasóz qyzmetiniń aqparatyna sáıkes M. Nurǵojın Lıýksembýrg premer-mınıstriniń orynbasary - ekonomıka mınıstri Etenn Shnaıdermen kezdesti. Júzdesý barysynda ǵarysh salasyndaǵy yntymaqtastyq, atap aıtqanda ǵarysh apparattaryn qurý múmkindigi talqylandy. E. Shnaıder eki el arasyndaǵy ózara túsinistik týraly memorandým jasasý nıetin bildirdi.
«Forým aıasynda qazaqstandyq delegatsııa Iran, Frantsııa ókilderimen, SES.A. kompanııasynyń mamandarymen kelissóz júrgizip, Luxinnovation, Basir jáne GovSat kompanııalarynyń ónimderimen tanysty.
ICT Spring - Eýropa ortalyǵynda ótetin jahandyq shara. Qatysýshylaryna IT-da óz bilimderin tereńdetý, FinTech jyldam artyp kele jatqan ındýstrııa qundylyǵyn baǵalaý, kórme, jańa tehnologııa men ınnovatsııa arqyly IT-kompanııalardy damytýǵa ǵarysh tehnologııalarynyń yqpalyn zerdeleýge biregeı múmkindikter jasaıdy.
Bıylǵy jyly forýmǵa álemniń 72 eliniń 500 ókili qatysty.
