Qazaqstandyq delegatsııa Estonııanyń elektrondyq úkimetimen tanysty

ASTANA. QazAqparat - Qazaqstannyń tsıfrlandyrýǵa jaýapty memlekettik qyzmetkerleri Estonııanyń tájirıbesin meńgerip qaıtty, dep habarlaıdy QazAqparat.

«8-12 qazan aralyǵynda QR Aqparat jáne kommýnıkatsııalar mınıstrligi Memlekettik qyzmet salasyndaǵy Óńirlik habpen birge Estonııanyń Tallın qalasyna Úkimette aqparattyq-kommýnıkatsııalyq tehnologııalardy qoldaný boıynsha úzdik halyqaralyq tájirıbemen bólisý maqsatynda oqý saparyn uıymdastyrdy», - delingen habarlamada.

Delegatsııa quramyna Prezıdent Ákimshiliginiń qyzmetkerleri, Premer-Mınıstrdiń keńsesi, vıtse-mınıstrler men tsıfrlandyrýǵa jaýapty orynbasarlar kirdi.
Trenıng Elektrondy úkimet akademııasynyń (eGA) negizinde ótkizildi.
Delegatsııa Estonııa elektrondyq úkimetimen, ıaǵnı elektrondyq úkimet sáýletimen, X-road-tyń negizgi komponentterimen, sandyq sáıkestendirýden, elektrondyq úkimet kabınetimen, elektrondy salyqpen, elektrondy polıtsııamen, Indýstrııa 4.0, elektrondy densaýlyq jobalarymen tanysty.
Sonymen qatar, delegattar Estonııa úkimetine jáne Parlamentine, qalalyq ákimshiligine, prokýratýraǵa, syrtqy ister, ekonomıka jáne ınfraqurylym, densaýlyq saqtaý, qarjy jáne áleýmettik qamtamasyz etý mınıstrlikterinde boldy.

Qatysýshylar jergilikti qaldyqtardy qaıta óńdeý zaýytyn aralap shyqty.