Qazaqstandyq delegatsııa EQYU-nyń adamı ólshem jónindegi birinshi qosymsha keńesine qatysady
amyrdyń 4-i. QazAqparat /Ernur Aqanbaı/ - Mamyrdyń 6-7-si kúnderi Venada «Genderlik tepe-teńdikti ilgeriletý, áıelderdiń saıası jáne qoǵamdyq ómirge qatysýy» taqyrybyndaǵy EQYU-nyń adamı ólshem jónindegi birinshi qosymsha keńesi ótedi.
Bul týraly búgin Astanadaǵy aptalyq brıfıngte QR Syrtqy ister mınıstrliginiń resmı ókili Asqar Ábdirahmanov aıtty, dep habarlaıdy QazAqparat.
«Sharaǵa EQYU-ǵa múshe elderdiń memlekettik organdarynyń, úkimettik emes uıymdarynyń jáne bıznes qoǵamdastyǵynyń 100-den astam ókilderi qatysady. Oǵan atsalysatyn qazaqstandyq delegatsııany QR Eńbek jáne halyqty áleýmettik qorǵaý mınıstri, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Gúlshara Ábdihalyqova bastap barady», dedi resmı ókil.
