Qazaqstandyq delegatsııa Dúnıejúzilik keden uıymynyń 115-116-shy sessııasynyń jumysyna qatysty
BRıÝSSELЬ. Maýsymnyń 28-i. QazAqparat /Dımash Syzdyqov/ - QR Qarjy mınıstrligi Kedendik baqylaý komıtetiniń tóraǵasy Qozy-Kórpesh Kárbozov bastaǵan qazaqstandyq delegatsııa maýsymnyń 24-26-sy kúnderi Brıýsseldegi atalmysh qurylymnyń shtab-páterinde ótken Dúnıejúzilik keden uıymynyń 115-116-shy sessııasynyń jumysyna qatysty.
Sessııada qozǵalǵan negizgi taqyryp basym baǵyttary saýdanyń damýy úshin jaǵdaı jasaý, qaýipsizdik pen ınstıtýtsıonaldy damýdy qamtamasyz etý bolyp otyrǵan Dúnıejúzilik keden uıymynyń strategııalyq josparynyń júzege asyrylýy boldy. Kelissózderdiń qorytyndylary boıynsha «Ǵalamdyq saýyt» jobasy qabyldandy, onyń maqsaty jarylǵysh zattardy jasaý úshin zańsyz ótkiziletin taýarlardy aldyn alyp, eskertý bolyp tabylady.
Sessııa jumysy aıasynda qazaqstandyq keden organynyń basshysy Q.Kárbozov salyq saıasaty, Keden odaǵy, alaıaqtyqpen kúresý jáne aýdıt jónindegi eýrokomıssar Algırdas Shemetpen, sondaı-aq Eýrokomıssııanyń salyq jáne Keden odaǵy jónindegi bas dırektorat departamentiniń dırektory Antonıs Kastrıssıanakıspen kelissózder júrgizdi. EO ókilderi shekarany jańartý jáne nátıjeli basqarý boıynsha QR keden qyzmetiniń júrgizip otyrǵan reformasyna joǵary baǵa berdi.
Sonymen qatar, QHR, Belgııa, Irlandııa, Bolgarııa, Mońǵolııa, Estonııa, Ýkraına, Belarýs, Ózbekstan jáne Ázirbaıjan kedendik qyzmetiniń basshylarymen jumys babyndaǵy kezdesýler bolyp ótti. QR Qarjy mınıstrligi Kedendik baqylaý komıtetiniń basshysy áriptesterine shekaradaǵy jańartylý, tıisti ınfraqurylym, QR jáne QHR arasyndaǵy ornalasatyn júk týraly aqparat almasýdy júzege asyryp otyrǵan «bir tereze» strategııasynyń júzege asyrylýy, sondaı-aq shekarany basqarýdy biriktiretin júıeniń qurylýy týraly aıtyp berdi.
