Qazaqstandyq delegatsııa adam saýdasyna tosqaýyl qoıý máselelerine arnalǵan konferentsııaǵa qatysady
ASTANA. Maýsymnyń 14-i. QazAqparat /Ernur Aqanbaı/ - Maýsymnyń 17-18-i kúnderi Venada «Qorǵalmaǵan jumys, kózge kórinbeıtin qanaýshylyq: úı qyzmetshisi retinde paıdalaný maqsatyndaǵy adam saýdasy» degen taqyrypta Adam saýdasyna qarsy alıanstyń 10-shy konferentsııasy ótedi.
Bul týraly dúısenbidegi brıfıngte QR Syrtqy ister mınıstrliginiń resmı ókili Asqar Ábdirahmanov aıtty.
Onyń sózine qaraǵanda, sharaǵa EQYU-ǵa múshe 56 memleketten resmı delegatsııalar, halyqaralyq jáne úkimettik emes uıymdarynyń, buqaralyq aqparat quraldarynyń ókilderi qatysatyn bolady. Qazaqstannyń resmı delegatsııasynyń quramyna Parlamenttiń, Іshki ister mınıstrliginiń, Ádilet mınıstrliginiń ókilderi enip otyr. «Eki kúngi sharada úı qyzmetshisi retinde paıdalaný maqsatyndaǵy adam saýdasymen kúres máseleleri, qanaýshylyqtyń bul formasynyń erekshelikteri, sonyń ishinde adam saýdasynyń qurbandaryna kómek kórsetý jáne ádilettilikke qol jetkizý máseleleri talqylanatyn bolady», dedi resmı ókil.
