Qazaqstandyq daryndy oqýshylar Danııada ótetin 44-halyqaralyq fızıka olımpıadasyna barady
ASTANA. 5 shilde. QazAqparat - Búgin QR Bilim jáne ǵylym mınıstri Baqytjan Jumaǵulov Eýrazııa ulttyq ýnıversıtetindegi ıAdrolyq ortalyqta Danııanyń Kopengagen qalasynda ótetin 44-halyqaralyq fızıka olımpıadasyna baratyn oqýshylardyń ulttyq qurama komandasymen kezdesti.
«Fızıka - eń qıyn da qyzyqty ǵylymdardyń biri. Biz búgin ýnıversıtettegi ıadrolyq ortalyqty aralap kórip, osyǵan kóz jetkizdik. Men ózim fızıkany tek birinshi kýrsta ǵana oqydym. Negizi, mamandyǵym - matematık. Al búgingi kúnde matematıkter de fızıka men hımııany jaqsy bilýi tıis», - dedi mınıstr oqýshylarmen áńgime barysynda.
Bilim mınıstri jas «olımpıadashylarǵa» sáttilik tilep, eldiń olarǵa artar úmiti mol ekenin jetkizdi.
Aıta keteıik, fızıkadan halyqaralyq olımpıada 7-15 shilde aralyǵynda ótedi. Osy jolǵa saıystyń qatysýshylary basqa ǵylymı jarystarda ozyq nátıje kórsetken balalar. Olarmen birge ǵylymı jetekshileri de Danııaǵa sapar shegedi.
