Qazaqstandyq dárigerler tegin ınternet jáne baılanyspen qamtamasyz etiledi

NUR-SULTAN. QazAqparat – Qazaqstan aýmaǵynda jumys isteıtin uıaly baılanys operatorlary medıtsına qyzmetkerlerin tegin baılanyspen qamtamasyz etýde, dep habarlaıdy QazAqparat QR Densaýlyq saqtaý mınıstrligine silteme jasap.

«QR Densaýlyq saqtaý mınıstrligi taǵy 6 000 medıtsınalyq qyzmetkerdiń tegin baılanys pen ınternet alatynyn habarlaıdy. Olardyń árqaısysyna Qazaqstannyń kez kelgen nómirine qońyraý shalý úshin 1000 mınýt jáne 100 GB ınternet-trafık beriledi.

QR Densaýlyq saqtaý mınıstrligi dárigerler men medıtsınalyq qyzmetkerlerdi qosymsha qoldaý sharalaryn qabyldaýda. Uıaly baılanys operatorlarynyń áleýmettik jaýapkershiligi arqasynda el aýmaǵynda jumys isteıtin barlyq uıaly baılanys operatorlary mobıldi baılanys pen ınternetti qamtamasyz etedi», - dep habarlady mınıstrliktiń baspasóz qyzmeti.

Eske sala ketsek, Qazaqstanda qazir koronavırýs ınfektsııasyn juqtyrǵandar sany 49 adamǵa jetti. Almatyda – 22 adam, Qaraǵandy qalasynda - 2 adam, Nur-Sultanda - 25 adam tirkelgen.