Qazaqstandyq dárigerler daýasy joq aýrý túrin emdeýdiń jolyn tapty

Birneshe kún buryn Astanadaǵy neırohırýrgııalyq ulttyq ortalyqtyń dárigerleri ereımentaýlyq turǵynǵa operatsııa jasap, parkınson aýrýynan aıyqtyrýǵa kúsh saldy. Bul jerde talma dertine shaldyqqandardy da emdep jazady.

Álemde parkınson aýrýyna 60-tan asqan adamdardyń 1%-y shaldyǵady eken. Adamdardyń ózdiginen júrip turýynan aıyrylýy áleýmettik máselege aınalyp otyr. Al elimizde osy dertke 20 myń naýqas shaldyqqan. Alaıda, endi osyndaı naýqastardyń úmiti qaıta oıandy.

Saparǵalı Sháımerdenov - 54jasta. Parkınson aýrýymen ol 2007 jyldan beri kúresip keledi. Dáriden nátıje bolmaǵandyqtan, astanalyq neırohırýrgter 13 maýsymda oǵan operatsııa jasady. «Operatsııadan keıin ózimdi jaqsy sezine bastadym. Denem jeńildep qalǵandaı boldy. Al operatsııaǵa deıin ózimdi nashar sezindim. Aıaq-qolym dirildep turatyn. Al qazir bári jaqsy», - deıdi emdelýshi.

Astanalyq neırohırýgtar áli de talaı jetistikterge jetetinderine senimdi. Al aldaǵy qyrkúıekte Astanada álemniń ár túkpirinen kelgen myqty neırohırýgtardyń forýmy ótedi.