Qazaqstandyq dárigerler A.Ahmetovanyń densaýlyq jaǵdaıyn «óte aýyr, 3-shi dárejedegi essiz kúıde, mıy jumys jasamaıdy» dep baǵalaýda
ASTANA. 22 tamyz. QazAqparat /Gúlmıra Alıakparova/ - AQSh-tan elge jetkizilgen qazaqstandyq stýdent Aınur Ahmetovanyń densaýlyq jaǵdaıyn dárigerler «óte aýyr, 3-shi dárejedegi essiz kúıde, mıy jumys jasamaıdy, qan qysymy óte tómen» degen baǵa berdi.
Bul týraly búgin QR Densaýlyq saqtaý mınıstrliginiń baspasóz qyzmetinen habarlady.
Buǵan deıin habarlanǵandaı, QR DSM AQSh klınıkasynda es-tússiz jatqan pavlodarlyq stýdent A.Ahmetovany jasandy tynys apparatynan ajyratpaı, Qazaqstanǵa jetkizý týraly sheshim qabyldady. Aǵymdaǵy jylǵy 21 tamyzda tańǵy saǵat 5-te Aınur Astana qalasynyń áýejaıyna jetkizilip, Respýblıkalyq neırohırýrgııa ǵylymı ortalyǵynyń jansaqtaý bólimine jatqyzyldy.
QR DSM-nan anyqtaǵandaı, qazir A.Ahmetovaǵa qoldaý terapııasy júrgizilýde.
