Qazaqstandyq D.Sádýaqasova Ispanııadaǵy shahmat týrnırinde eki kýbokty jeńip aldy
ASTANA. QazAqparat - H.S.Omarov atyndaǵy elordalyq shahmat klýbynyń tárbıelenýshisi, áıelder arasyndaǵy halyqaralyq grossmeıster Dınara Sádýaqasova Ispanııadaǵy iri «XXXIV Open Internacional Villa de Benasque» open-týrnırinde áıelder arasynda jáne jasóspirimder arasynda birinshi oryndardy jeńip alyp, eki kýbokpen oraldy.
Belgili grossmeıster Vlastımıl ıAnsany jeńip, halyqaralyq grossmeıster Gıta Gopalmen jáne halyqaralyq sheber Esteban Forsendpen teń oınap, perfomansta 2483 nátıje kórsetti.
Týrnırge 38 elden shahmatshylar qatysty, olardyń arasynda 37 halyqaralyq grossmeıster jáne 33 halyqaralyq sheber boldy.
