Qazaqstandyq chempıondardyń nusqaýlary berilgen «Jeke bapker» mobıldik qosymshasy jasaldy
ASTANA. QazAqparat - Sporttyq jekpe-jek jáne kúsh qoldanylatyn sport túrleri konfederatsııasy «Jeke bapker» mobıldi qosymshasyn iske qosty.
«Jeke bapker» qosymshasy sportpen shuǵyldanýǵa jáne sporttyq dene bitimin saqtaýǵa arnalǵan. Ol jetken jetistikterdi baqylap, ony dostarmen bólisýge, salamatty ómir salty jáne durys tamaqtaný jóninde jańashyldyqtardy bilýge, jattyqtyrýdyń ózindik tıimdi baǵdarlamasyn qurýǵa kómektesedi», - dep habarlady konfederatsııanyń baspasóz qyzmetinen.
Paıdalanýshylar qosymshanyń jattyǵý jumystary, qadam eseptegish, tamaqtaný, tamyr soǵýynyń dıagnostıkasy, mýzyka jazylǵan paraqsha jáne taǵy basta bólimderge qol jetkize alady.
Jattyqtyrý jumystarynyń foto jáne vıdeonusqaýlaryn qurýǵa kásibı sportshylar - áıelder kúresi boıynsha Olımpıada júldegeri Gýzel Manıýrova jáne aýyr atletıka boıynsha álem chempıony Vladımır Sedov qatysty.
Qosymsha Android jáne IOS platformalary úshin úsh tilde quryldy.
