Qazaqstandyq bylǵary qolǵap sheberleriniń Ýkraınada qorjyny medalǵa toldy
ALMATY. Mamyrdyń 17-si. QazAqparat /Erlik Erjanuly/ - Búgin Ýkraınanyń Herson qalasynda bokstan Nıkolaı Mangerdi eske túsirýge arnalǵan halyqaralyq týrnır aıaqtaldy,
dep habarlaıdy QazAqparat.
"A" sanatyndaǵy bul dúbirli doda mamyrdyń 11-i kúni óz jalaýyn kótergen bolatyn. Onda - astanalyq Ilıas Súleımenov (48 kg), ońtústikqazaqstandyq Almasbek Álibekov (64 kg) pen Dosjan Ospanov (+91kg) jáne qaraǵandylyq Almat Serımov jeńimpaz atandy. Al jambyldyq Ǵanı Jaılaýov (60 kg) kúmis júldeger atansa, almatylyq Ismaıl-Ahýnov Habıbýlla (51 kg), shyǵysqazaqstandyq Mirjan Rahymjanov (54 kg) pen astanalyq Dýman Álimov (87 kg) qola júldeger boldy. Sonyń nátıjesinde aǵa bapker Nurǵalı Safıýllın bastaǵan qazaqstandyqtar 10 salmaq dárejesi boıynsha kúsh synasyp, onyń segizinde medal aldy. Bul joly tek Manat Ómirzaqov (69 kg) pen Hýsan Baımatovtyń (75 kg) joly bolmady.
