Qazaqstandyq bylǵary qolǵap sheberleri Polshadaǵy halyqaralyq «Felıks stam» týrnırine qatysady
ALMATY. Sáýirdiń 8-i. QazAqparat /Erlik Erjanuly/ - Sáýirdiń 20-25 kúnderi Varshavada bokstan eresekter arasynda áıelder men erler arasynda halyqaralyq «Felıks stam» týrnıri ótedi,
dep habarlaıdy QazAqparat Qazaqstan Boks federatsııasyna silteme jasap.
Polsha astanasyndaǵy dástúrli bul týrnır bıyl 27-shi ret uıymdastyrylyp otyr. Halyqaralyq áýesqoı boks qaýymdastyǵynyń (AIBA) tártibi boıynsha ótetin jarysta erler 11, áıelder 3 salmaq dárejesi boıynsha kúsh synasady. Onda el namysyn 6 sportshy qorǵamaq. Bas bapker Myrzaǵalı Aıtjanov - Birjan Jakypov (48 kg), Danııar Tólegenov (54 kg), Danııar Eleýsinov ( 64 kg), Serik Sápıev (69 kg), Nurdáýlet Jarmanov (75 kg) pen Rústem Іrgebaevqa (+ 91 kg) úmit artyp otyr.
Bıylǵy Qazaqstan chempıonatynda astanalyq D. Tólegenov pen D. Eleýsinov óz salmaqtarynda chempıon atanǵan bolatyn. Al ońtústikqazaqstandyq B. Jaqypov pen aqmolalyq N. Jarmanov kúmis júldeger bolsa, qaraǵandylyq S. Sápıev qola júlde alǵan.
