Qazaqstandyq búldirshin halyqaralyq LITTLE KING & QUEEN WORLD'2010 festıvalinde álemniń kishkentaı hanshaıymy degen ataqqa ıe boldy

dep habarlaıdy «Mega Aıs» muz aıdyndary jelisiniń baspasóz qyzmeti.

«LITTLE KING & QUEEN WORLD» kishkentaı búldirshinder arasyndaǵy eń tanymal festıvaldiń biri sanalady. Bunda balalar óz eliniń mádenıetimen tanystyryp, túrli saıystardan synǵa túsedi. Qazaqstandyq kishkentaı jeńimpaz barlyq atalymda erekshe kózge túsip, saıysta birinshi oryndy jeńip alǵan.

Muz aıdynynyń jattyqtyrýshysy Svetlana Bakachevanyń aıtýynsha, Kamalııa muz aıdynda daıyndalýǵa jyldyń basynda ǵana kelgen. «Bizdiń mánerlep syrǵanaý klýbymyzda, álemniń kishkentaı hanshaıymy jattyǵatynyn maqtan etemiz. Kamalııa bizdiń klýbta 2010 jyldyń qańtar aıynan daıyndalady. Búginde jaqsy nátıjelerge qol jetkizdi. Kamalııa óte eńbekqor jáne bilmekke qumar qyz», deıdi jattyqtyrýshy.

Álemdik saıystan oralǵan Kamalııanyń jeńisti joly uzaq bolsyn dep, «Mega Actobe» oıyn-saýyq kesheninde ornalasqan «Mega Ice» muz aıdyny ákimshiligi quttyqtaýmen qatar, tegin syrǵanaýǵa múmkindik beretin abonoment syılady. Álemniń kishkentaı hanshaıymy buǵan deıin kóptegen jarystarǵa qatysyp jeńimpaz atanǵan. Respýblıkalyq «Kishkentaı hanshaıym - 2009» baıqaýynda ekinshi vıtse-mıss bolsa, «Aqtóbe kishkentaı Mıss - 2009» baıqaýynda óz qatarlastarynyń ishinde eń sulý qyz ataǵyna ıe boldy. «Lıtl Mıss Kazaqstan 2008» baıqaýynda «Atyraýdyń kishkentaı hanshaıymy» jáne «Mıss model» ataǵyna laıyqty bolǵan.