Qazaqstandyq búldirshin «Baby and Toddler 2010» konkýrsynda jeńimpaz atandy
ANA. 14 naýryz. QazAqparat - Ulybrıtanııanyń Somerset graftyǵyndaǵy Bat qalasynda «Baby and Toddler 2010» («Jyl búldirshini-2010») konkýrsynyń qorytyndysy boıynsha marapattaý rásimi ótti.
Bul konkýrsta 1,5 jas pen 3 jastyń aralyǵyndaǵy jas sanatynda bizdiń jas otandasymyz - Saıda Ǵamzatqyzy Saıdova birinshi oryn aldy.
Aǵymdaǵy jyldyń qańtar aıynda bolǵan konkýrs eki kezeńde ótti. Taǵy bir aıta ketetin jaıt, bul konkýrstyń tarıhynda alǵash ret shetel azamaty, atap aıtqanda, Qazaqstan azamatshasy júldeli oryn aldy. Bul týraly «Bath news & media» basylymynyń bas redaktory «Habar» agenttigine bergen suhbatynda málim etti.
Daýys berý túrinde ótken konkýrstyń birinshi týrynda «Guardian Somerset» jáne «Standart Somerset» gazetterinde barlyq qatysýshylardyń fotosýretteri jarııalandy. Nátıjesinde, birinshi kezeńniń qorytyndysy boıynsha jartylaı fınalǵa ár jas sanatynan 10 baladan joldama aldy. Al kelesi týrda «Guardian Somerset» jáne «Standart Somerset» basylymdarynyń ókilderi tórt jeńimpazdy tańdady.
І týrdyń qorytyndysy boıynsha 8 myńnan astam daýys jınaǵan Saıda Ǵamzatqyzy, jartylaı fınalda konkýrstyq komıssııanyń sheshimimen óz jas sanatynda jeńimpaz dep tanyldy. Konkýrs qorytyndysy boıynsha Saıdaǵa Jeńimpaz júldesi jáne otbasymen Ulybrıtanııanyń teńiz jaǵalaýyna 4 kúnge demalýǵa joldama tabys etildi.
