Qazaqstandyq buqaralyq aqparat quraldary arasynda baıqaý jarııalandy
ASTANA. QazAqparat - Otbasylyq tárbıe ınstıtýty 2014 jylǵy 14 qyrkúıekte elimizdiń barlyq orta mektepterinde ótetin aýqymdy shara - «Birinshi synyp oqýshylarynyń ata-analaryna psıhologııalyq kómek» taqyrybyndaǵy konferentsııa týraly úzdik jarııalanymdarǵa ulttyq konkýrs jarııalaıdy. Bul týraly uıymnyń baspasóz qyzmetinen habarlaıdy.
«Konferentsııa Qazaqstan Respýblıkasynyń Prezıdenti N.Á. Nazarbaevtyń Jarlyǵymen bekitilgen mereke - Otbasy kúni ótkiziledi. Bul kún kezdeısoq tańdalyp alynǵan joq, bizdiń maqsatymyz - qazaqstandyqtardyń otbasylyq qarym-qatynastarynda týyndaıtyn máselelerdiń mańyzdylyǵyn jáne olardy sheshý tásilderin kórsetý», - delingen habarlamada.
Otbasylyq tárbıe ınstıtýtynyń jetekshi psıhologtary 2014 jyly mektep tabaldyryǵyn alǵash attaıtyn birinshi synyp oqýshylarynyń ata-analaryna arnalǵan tájirıbelik usynystar daıyndaıdy. Joba áli bastalmasa da, sarapshylar men psıhologtar ony mektep oqýshylaryn UBT-ǵa kezeń-kezeńimen daıyndaýdyń mańyzdy bóligi dep atady.
Otbasylyq tárbıe ınstıtýty BAQ arasynda alda bolatyn Konferentsııaǵa baılanysty úzdik jarııalanymdar men habarlaýlarǵa ulttyq konkýrs jarııalaıdy. «Biz telearnalardyń, radıostansalardyń, basylymdardyń, aqparattyq agenttikterdiń jýrnalısterin BAQ ataýlaryn kórsetip, akkredıtatsııadan ótýge jáne bıylǵy jyldyń 14 qyrkúıeginde konferentsııa týraly reportajdar daıyndaý úshin óz qalalarydaǵy mektepterge barýǵa shaqyramyz. Otbasylyq tárbıe ınstıtýynyń bas dırektory, professor Sofıa Evdokımova bastaǵan qazylar alqasy jeńimpazdardy mynadaı nomınatsııalar boıynsha anyqtaıtyn bolady: Úzdik telesıýjet: 1-shi oryn - 1000 AQSh dollary - QR Ulttyq banki baǵamy boıynsha teńgemen; 2-shi oryn - 500 AQSh dollary - QR Ulttyq banki baǵamy boıynsha teńgemen; 3-shi oryn - 200 AQSh dollary - QR Ulttyq banki baǵamy boıynsha teńgemen», - delingen habarlamada. Sondaı-aq bul baıqaýda kelesi atalymdar boıynsha da júldegerler anyqtalady: Úzdik jarııalanym: 1-shi oryn - 1000 AQSh dollary - QR Ulttyq banki baǵamy boıynsha teńgemen; 2-shi oryn - 500 AQSh dollary - QR Ulttyq banki baǵamy boıynsha teńgemen; 3-shi oryn - 200 AQSh dollary - QR Ulttyq banki baǵamy boıynsha teńgemen.
Radıodaǵy úzdik reportaj: 1-shi oryn - 1000 AQSh dollary - QR Ulttyq banki baǵamy boıynsha teńgemen; 2-shi oryn - 500 AQSh dollary - QR Ulttyq banki baǵamy boıynsha teńgemen; 3-shi oryn - 200 AQSh dollary - QR Ulttyq banki baǵamy boıynsha teńgemen.
Úzdik fotoreportaj: 1-shi oryn - 1000 AQSh dollary - QR Ulttyq banki baǵamy boıynsha teńgemen; 2-shi oryn - 500 AQSh dollary - QR Ulttyq banki baǵamy boıynsha teńgemen; 3-shi oryn - 200 AQSh dollary - QR Ulttyq banki baǵamy boıynsha teńgemen. Shyǵarmashylyq konkýrstyń qorytyndysy Otbasylyq tárbıeleý ınstıtýtynyń www.ife.kz resmı saıtynda jarııalanatyn baspasóz habarlamasynda, sondaı-aq áleýmettik jelilerdegi akkaýnttarynda kórsetiletin bolady. Jarııalanymdardyń skan-kóshirmeleri, beıne, aýdıo, fotomaterıaldarǵa gıpersiltemeler bıylǵy jyldyń 17 qyrkúıegine deıin ife-journal@mail.ru elektrondyq poshtasyna qabyldanady. Jeńimpazdardyń esimderi 2014 jyldyń 18 qyrkúıeginde jarııalanatyn bolady.
