Qazaqstandyq bólshek saýdany damytýda qandaı kedergiler bar

NUR-SULTAN. QazAqparat – QR Básekelestikti qorǵaý jáne damytý agenttiginiń ónerkásiptik jáne agroónerkásiptik keshen departamentiniń dırektory Ásemgúl Nurmaǵambetova bólshek saýdany damytýda qandaı kedergiler baryn aıtyp berdi, dep habarlaıdy QazAqparat tilshisi.

«Bólshek saýda naryǵyna shyǵýdyń negizgi kedergileri mynalar ekenin atap ótken jón: ekonomıkalyq kedergiler bar, atap aıtqanda, satyp alý qabiletiniń tómendep, tutyný baǵalarynyń óskeni baıqalady. Jer ýchaskelerin alý rásiminen bastalatyn ákimshilik kedergiler de bar. Baǵany retteý tártibi baryn eskersek, bizde eń joǵary baǵany memleket belgileıdi», - dedi Ásemgúl Nurmaǵanbetova agenttiktiń onlaın baspasóz máslıhaty barysynda.

Onyń aıtýynsha, rıteıldi damytý úshin kelesi qadamdardy jasaý kerek:

- baǵa shekteýin alyp tastaý;

- tutynýshylar suranysy turǵysynan salystyrmaly resýrstar men saýda jelileriniń baǵa týraly aqparattyq mindettemesi.

«Sonymen qatar, bıznesti tıimdi túrde damytý úshin qazaqstandyq bólshek saýda kompanııalary sheteldik tájirıbeni úırenýi kerek. Osylaısha bul salaǵa ınnovatsııalyq kásipkerlik tehnologııalardyń álemdik tájirıbesi engizilýi tıis», - dep atap ótti Ásem Nurmaǵanbetova.