Qazaqstandyq Bolgarııadaǵy týrnırde úzdik boksshy atandy
ASTANA. QazAqparat - Ǵalymbek Kenjebaev jattyqtyratyn Qazaqstannyń bokstan jastar quramasy Bolgarııa astanasynda Emıl Jechevti eske alý týrnırine qatysyp, úsh altyn, bir kúmis jáne úsh qola medal utyp aldy.
Qazaqstannyń boks federatsııasynyń habarlaýynsha, Samatáli Toltaev (60), Sanatáli Toltaev (64) pen Ermahan Jaqpekov (69) altyn medal ıelengen.
Samatáli týrnırdiń úzdik boksshysy atandy.
Oralbaı Nurbek (75) Sofııada kúmis, Aıbek Dosanov (52), Nyǵmetolla Moldashev (56) pen Nurdáýlet Ulanuly (+91) qola júldege qol jetkizdi. Boksshylarymyz jıyny jeti júldeni utyp aldy.
Qazaqstannyń komandasy týrnırde birinshi orynǵa ıe boldy, ekinshi orynda reseılikter, úshinshi orynǵa ázerbaıjandyqtar turaqtady.
