Qazaqstandyq Bolgarııadaǵy sulýlyq baıqaýynda gran-prı utyp aldy
ASTANA. QazAqparat - Bolgarııada Prince&Princess of the World halyqaralyq sulýlyq festıvali ótti. Oǵan álemniń 15 elinen 55 jasóspirim qatysty. Qazaqstan atynan baıqaýǵa aqtaýlyq Aıanat Dáýletalına qatysty. Ol baıqaýdyń gran-prıin utyp aldy, dep habarlady Lada.kz
Prince&Princess of the World festıvali bıyl Bolgarııada altynshy ret uıymdastyryldy.
«Biz festıvalǵa uzaq daıyndaldyq, árıne, kúlli eldiń atynan shyqqan soń qatty qobaljydyq. Keı elderden birneshe qatysýshy kelgenine qaramastan, biz laıyqty óner kórsetip, elimizge gran-prıdi alyp keldik. Óte qýanyshtymyz, - dedi Di school modelder mektebiniń jetekshisi Dılıara Týrına.
Aıta keteıik, 7 kúnge sozylǵan sán baıqaýynda jas modelder túrli synaqtardan ótti.
