Qazaqstandyq boksshynyń AQSh-ta qashan jekpe-jek ótkizetini belgili boldy

NUR-SULTAN. QazAqparat –Birinshi aýyr salmaqtaǵy qazaqstanyq kásibı boksshy Serik Musadilov (5-0, 5 KO) rıngke shilde aıynda oralýdy josparlap otyr, dep habarlaıdy Sports.kz.

«Panda» laqap atymen tanymal boksshynyń rıngke 17 shildede shyǵatyny aıtylǵan. Alaıda endi BoxRec.com portaly qazaqstandyq sportshynyń jekpe-jegi 24 shildede ótetinin habarlady. Tórt raýndqa sozylatyn jekpe-jekte onyń qarsylasy amerıkalyq boksshysy Kvıntell Tompson (4-10-1, 4 KO). Kezdesý Maıamıdegi boks keshi aıasynda ótedi.

Aıta ketsek, Musadilov pen Tompson koronavırýs pandemııasy bastalǵanǵa deıin, 14 naýryzda judyryqtasýdy josparlaǵan bolatyn. Ol kezde shoý sońǵy sátte toqtatylyp– boksshylar tipti aldyn ala salmaq ólsheý protsedýrasynan da ótip qoıǵan edi.