Qazaqstandyq boksshylardyń joıqyn soqqylarynyń vıdeosy jelide tarady

ASTANA. QazAqparat - Suleimen Promotions promoýterlik kompanııasynyń Youtube-kanalynda onyń basty juldyzdary - qazaqstandyq boksshylar Aıdos Erbosynuly (10-0, 8 KO) men Nursultan Jańabaevtyń (6-0, 4 KO) joıqyn soqqylarynyń vıdeosy jarııalandy, dep habarlaıdy Sports.kz.

Erbosynuly óziniń sońǵy kezdesýin 23 jeltoqsan kúni Reseı astanasy Máskeýde ótkizgen bolatyn. Aıdos belgııalyq boksshy Ilıas Achergýıdi (12-4-1, 6 KO) merziminen buryn tize búktirgen edi. Qarsylas jaqtyń ókilderi tórtinshi raýndta jekpe-jekti jalǵastyrýdan bas tartty.

Jańabaev ta dál osy kúni sharshy alańǵa kóterilgen. Ol tóreshilerdiń biraýyzdan sheshimimen fılıppındik bylǵary qolǵap sheberi Arnel Tınampaıdan (25-23-1, 11 KO) basym túsken edi. Osylaısha Nursultan buǵan deıin bos bolǵan birinshi orta salmaqtaǵy WBC Asia chempıony ataǵyn ıelengen bolatyn.