Qazaqstandyq boksshylardyń jańartylǵan IBO reıtıngindegi orny belgili boldy

FLORIDA. QazAqparat – Halyqaralyq boks uıymy (IBO) reıtıngtegi barlyq salmaq dárejesi ókilderiniń jańa ornyn jarııalady, dep habarlaıdy QazAqparat Sports.kz portalyna silteme jasap.

Nazarlaryńyzǵa Qazaqstan boksshylarynyń ornyn usynamyz:

Óte aýyr salmaqta judyryqtasatyn Jan Kosobýtskıı IBO Inter-Continental chempıony ataǵyn saqtap qaldy; Ivan Dychko 70-ten 67-orynǵa kóterildi; Rýslan Myrsataev úsh saty joǵarylap, 80-orynǵa jaıǵasty.

Birinshi aýyr salmaqta Alı Baloev 80-orynnan 69-ǵa kóterildi; Edil Qojamberdıev 92-shi bolyp úzdik 100 boksshynyń qataryna qosyldy.

Ekinshi orta salmaq boksshysy Aıdos Erbosynuly bir saty joǵarylap, 17-shi boldy; Nurzat Sabyrov 26-orynnan 27-ge tómendedi; Alı Ahmedov 33-orynda tur (29-da edi).

Orta dıvızıonda otandyq boksshylar bir satyǵa tómendegen: Qanat Islam 14-shi boldy; Meıirim Nursultanov – 21-shi, Jánibek Álimhanuly – 32-shi orynǵa tústi. IBO álem chempıony ataǵy Gennadıı Golovkınge tıesili.

Birinshi orta salmaq ókili Sadrıddın Ahmedov 40-tan 39-orynǵa joǵarylady; Madııar Ashkeev 66-ny saqtap qaldy.

Jartylaı orta salmaq boksshysy Danııar Eleýsinov 37-qatarda qaldy, Nursultan Jańabaev – 64-shi (-2), Bobırjan Momynov – 74-shi (-4) orynda tur.

Birinshi jartylaı orta salmaqta Batyr Júkembaev burynǵysha 8-shi orynda tur; Janqosh Turarov 50-den 48-shi qatarǵa kóterildi; Rýslan Madıev reıtıngtiń 97-shi ornynda tur.

Jeńil salmaqta judyryqtasatyn Vıktor Kotochıgov 18 qatarǵa tómendep, 58-shi orynǵa jaıǵasty.

Ekinshi jartylaı jeńil salmaq rangi týraly tabelde Sultan Záýirbek bes orynǵa joǵarylap, 70-shy orynda tur.