Qazaqstandyq boksshylardyń WBC-degi reıtıngi qandaı

NUR-SULTAN. QazAqparat – Dúnıejúzilik boks keńesi (WBC) barlyq salmaq sanaty boıynsha aı saıynǵy reıtıngini jańartty, dep habarlaıdy QazAqparat VKontakte áleýmettik jelisindegi «Qazaqstannyń kásipqoı boksy» paraqshasyna silteme jasap.

Qazaqstandyq boksshylardyń atalǵan reıtıngidegi orny:

WBC International tıtýlynyń ıegeri – sýper aýyr salmaqtaǵy Jan Kosobýtskıı 12-orynda qaldy.

Birinshi aýyr kategorııadaǵy Qamshybek Qońqabaev 36-dan 34-inshi pozıtsııaǵa kóterildi. Serik Musadilov reıtıngide 40-ynshy bolyp tur.

Ekinshi orta dıvızıondaǵy Aıdos Erbosynuly men Álı Ahmedov sáıkesinshe 19 jáne 20-ynshy oryndy saqtap qaldy.

Meıirim Nursultanov orta salmaqta 8-inshi pozıtsııada qaldy.

Birinshi orta sanatta 28-inshi orynda bolǵan Sadrıddın Ahmedov rangiler jónindegi tabelden shyǵarylǵan.

Jartylaı orta salmaqta óner kórsetetin Danııar Eleýsinov bir oryn tómen syrǵyp, 22-inshi boldy. Talǵat Sháıkenov te bir pozıtsııa joǵaltyp, 33-orynǵa turaqtady.

Batyr Júkembaev birinshi jartylaı orta dıvızıonda reıtınginiń 25-inshi ornynda qaldy.