Qazaqstandyq boksshylardyń qyrkúıek aıyndaǵy reıtıngi qandaı

NUR-SULTAN. QazAqparat - Boxrec.com saıty qazaqstandyq boksshylardyń reıtıng upaıyn jańartty, dep habarlaıdy QazAqparat Qazaqstannyń kásibı boksy paraqshasyna silteme jasap.

BoxRec reıtınginde (barlyq salmaq dárejesinde) birinshi orynda burynǵysha Gennadıı Golovkın tur. Ekinshi orynǵa Jánibek Álimhanuly jaıǵassa, úshinshi oryndy Qanat Islam alǵan. Sondaı-aq, Qazaqstannyń úzdik bes boksshysy tizimine Danııar Eleýsinov pen Batyr Júkembaev endi.

BoxRec tujyrymy doıynsha TOP-10 qazaqstandyq boksshy:

1. Gennadıı Golovkın (41-1-1, 36 KO) — 507.1

2. Jánibek Álimhanuly (10-0, 6 KO) — 27.86

3. Qanat Islam (28-0, 22 KO) — 18.08

4. Danııar Eleýsinov (10-0, 6 KO) — 15.14

5. Batyr Júkembaev (18-1, 14 KO) — 14.85

6. Aıdos Erbosynuly (16-0, 11 KO) — 8.331

7. Álı Ahmedov (17-1, 13 KO) — 8.125

8. Rýslan Madıev (13-2, 5 KO) — 7.894

9. Sadrıddın Ahmedov (12-0, 10 KO) — 6.432

10. Jan Kosobýtskıı (16-0, 15 KO) — 6.058.

⠀