Qazaqstandyq boksshylardyń kezekti aıqastarynyń merzimi men qarsylastary ózgerdi
ASTANA. QazAqparat - Qazaqstandyq Dáýlet Dáýkenov (3-0, 1 KO) pen Stanıslav Kalıtskııdiń (3-0, 3 KO) Reseıdiń Ekaterınbýrg qalasyndaǵy josparlanǵan jekpe-jekteri ózgerdi, dep habarlaıdy Sports.kz.
Boksshylar aıqastaryn 13 aqpanda ótkizý kerek bolǵan edi. Dáýkenovtyń qarsylasy ýkraınalyq Anton Veselovskıı (2-0, 1 KO), al Kalıtskıı belarýstyq Ilıa Reýtskıımen (9-16-1, 5 KO) judyryqtasýy tıis edi.
Endi qazaqstandyq sportshylardyń jekpe-jegi 10 aqpanda ótedi.
BoxRec.com aqparaty boıynsha, Dáýlet Shamıl Daýtaevpen (3-2), al Stanıslav - Denıs Lashınmen (7-5-1, 2 KO) kúsh synamaq. Eki qarsylas ta Reseıdiń atynan shyǵady.
