Qazaqstandyq boksshylardyń ІVO reıtıngindegi oryndary ózgerdi
ASTANA. QazAqparat - Halyqaralyq boks uıymy (ІVO) aı saıynǵy reıtınginiń jańa nusqasy jarııalandy, dep habarlaıdy Sports.kz.
Oǵan sáıkes, qazaqstandyq keı boksshylardyń reıtıngtegi oryndary ózgerdi.
Sýperaýyr salmaqtaǵy Ivan Dychko 92-orynnan 94-orynǵa tómendedi.
Birinshi aýyr salmaq ókili Beıbit Shúmenov 31-ornyn saqtap qaldy. Osy dıvızıondaǵy Isa Aqberbaevtyń da ótken aıdaǵy 50-shi orny ózgerissiz qaldy.
Jartylaı aýyr salmaq sanatynda Álı Ahmedov 34-orynǵa shyqty. Ótken aıda ol reıtıngte 36-orynda bolatyn.
Orta salmaq ókili Meıirim Nursultanov alty saty joǵarylap, 64-orynǵa turaqtady.
Birinshi orta salmaq sanatynda óner kórsetetin Qanat Islam burynǵy toǵyzynshy ornyn saqtap qaldy. Al Madııar Áshkeev burynǵy 99-ornynan 96-orynǵa kóterildi.
Jartylaı orta salmaq ókili Janqosh Turarov jeti saty tómen syrǵyp, 57-orynǵa turaqtady. Bahtııar Eıýboevtyń da reıtıngtegi orny tómendedi. Bir aı buryn 86-orynda bolǵan boksshy qazir 92-orynda.
Birinshi jartylaı orta salmaqta Batyr Júkembaev úzdik otyzdyqtaǵy ornyn saqtap qalýmen qatar, bir saty joǵarylap, 29-orynǵa shyqty. Al Rýslan Mádıev úsh saty kóterilip, 82-orynǵa turaqtady.
Jartylaı jeńil salmaq sanatynda Bekman Soılybaev reıtıngtiń 50-ornynda qaldy.
