Qazaqstandyq boksshylardyń ІBO reıtıngindegi oryndary anyqtaldy

ASTANA. QazAqparat - Halyqaralyq boks uıymy (ІBO) barlyq salmaq sanatyndaǵy sportshylar reıtınginiń jańartylǵan nusqasyn jarııalady, dep habarlaıdy QazAqparat Sports.kz saıtyna silteme jasap.

Qazaqstandyq boksshylardyń reıtıngtegi oryndary kelesideı boldy:

Sýperaýyr salmaqtaǵy Ivan Dychko 94-shi orynnan 95-ke tústi.  

Birinshi aýyr salmaq dárejesindegi Beıbit Shúmenov 31-shi orynnan 32-ge syrǵysa, Isa Aqberbaev 50-shi orynda qaldy.

34-shi orynda bolǵan jartylaı aýyr dıvızıondaǵy boksshy Alı Ahmedov 36-pozıtsııadan kórindi.  

Al ekinshi orta salmaqtaǵy Aıdos Erbosynuly 92-shi nómirmen TOP-100-ge endi.

Qyrkúıekte Saýl «Kanelo» Alvaresten jeńilgen orta salmaqtaǵy burynǵy álem chempıony Gennadıı Golovkın reıtıngte birinshi orynǵa ornalastyrylǵan. Al Meıirim Nursultanov úsh oryn joǵaltyp, 67-pozıtsııaǵa túsip qaldy. 

Sondaı-aq birinshi orta salmaqta óner kórsetetin Madııar Ashkeev 96-shy pozıtsııany saqtap qaldy.

Jartylaı orta salmaqtaǵy Baqtııar Eıýbov 92-den 93-orynǵa syrǵydy.

Janqosh Turarov bolsa uıymnyń reıtınginen shyǵyp qaldy.

Batyr Júkembaev birinshi jartylaı orta salmaq dárejesindegi kestede 29-orynda qaldy.

Ekinshi jartylaı jeńil dıvızıondaǵy Bekman Soılybaev 50-shi orynnan 51-ge túsip qaldy.