Qazaqstandyq boksshylardyń IBF reıtıngindegi orny

NUR-SULTAN. QazAqparat – Halyqaralyq boks federatsııasynyń (IBF) jańartylǵan reıtıngi jarııalandy, dep habarlaıdy QazAqparat VKontakte jelisindegi «Qazaqstannyń kásipqoı boksy» paraqshasyna silteme jasap.

Nazarlaryńyzǵa qazaqstandyq boksshylardyń pozıtsııalaryn usynamyz:

Ekinshi orta salmaq boıynsha Aıdos Erbosynuly tórtinshi orynda qaldy, ol reseılik Evgenıı Shvedenkodan bir jol tómen ornalasqan. Reıtınginiń alǵashqy eki pozıtsııasy bos. IBF álem chempıony – AQSh boksshysy Kaleb Plant.⠀

Orta salmaqtaǵy qazaqstandyqtardyń reıtıngi ózgermedi: Jánibek Álimhanuly – toǵyzynshy, Meıirim Nursultanov – onynshy, al Qanat Islam 13-orynda qaldy. Álem chempıony tıtýly Gennadıı Golovkınge tıesili, munda da aldyńǵy eki pozıtsııa – bos, al úshinshi orynda – Patrık Voıtsıtskı.

Jartylaı orta salmaqta Danııar Eleýsinov burynǵysha 14-orynda qaldy. Úzdik úshtik kelesideı: Kýdratıllo Abdýkahorov (Ózbekstan), Shon Porter men Djaron Ennıs (ekeýi de – AQSh).

Birinshi jartylaı orta salmaqta Batyr Júkembaev ta óziniń pozıtsııasyn ózgertpedi – burynǵysha 13-orynda tur. Reıtıngide argentınalyq Ieremıas Ponse kósh bastaǵan. Odan keıin pýerto-rıkolyq boksshy Sabrıel Matıas pen aýstralııalyq Lıam Paro ornalasqan. Osy salmaqtaǵy IBF álem chempıony beldigin brıtandyq Djosh Teılor ıelengen.