Qazaqstandyq boksshylardyń álemdik reıtıngidegi orny belgili boldy

NUR-SULTAN. QazAqparat – BoxRec reıtınginiń úzdik ondyǵyna orta salmaqtaǵy tórt qazaqstandyq boksshy kirdi, dep habarlaıdy QazAqparat Sports.kz saıtyna silteme jasap.

Olardyń ishinde úzdigi – Jánibek Álimhanuly (11-0, 7 KO), ol 9-orynǵa jaıǵasqan. Odan keıin Qanat Islam (28-0, 22 KO) – 13-orynda, Meıirim Nursultanov (16-0, 9 KO) – 14-orynda.

Jaqynda BoxRec reıtıngine Gennadıı Golovkın (41-1-1, 36 KO) oralýy tıistigin eske salaıyq: onyń kelesi aıqasynyń datasy anyqtalǵannan keıin IBF jáne IBO chempıony álemniń orta salmaqtaǵy úzdik boksshysy retinde birinshi orynǵa qaıta jaıǵasatyn bolady. Ázirge boksshy «belsendi emes» degen statýspen belgilengen.

Golovkınniń ornyna qazirgi kezde BoxRec reıtınginiń orta salmaqtaǵy úzdigi bolyp brıtandyq Kishi Krıs ıÝbenk (32-2, 23 KO) tanylǵan. Alaıda qazirgi kezde onyń eshqandaı beldigi joq.