Qazaqstandyq boksshylar jattyǵý ótkizý úshin AQSh-qa attandy

NUR-SULTAN. QazAqparat - Qazaqstan ulttyq quramasynyń boksshylary oqý-jattyǵý jıynyn ótkizý maqsatynda AQSh-qa attandy, dep habarlaıdy QazAqparat tilshisi.

Qazaqstan boks federatsııasynan málim etkendeı, bylǵary qolǵap sheberlerine bapker Marat Jakıev jetekshilik jasaıdy. Oqý-jattyǵý jıynynda jalpy daıyndyq barysyna nazar aýdarylady. Daıyndyq 30 qańtarǵa deıin sozylady.

Jıynǵa qatysýǵa ulttyq qurama kapıtany Qamshybek Qońqabaev, Vasılıı Levıt, Bekzat Nurdáýletov, Zakır Safıýllın syndy boksshylar shaqyrtý alǵan.

Esterińizge sala ketelik, qazaqstandyq boksshylar Tokıo Olımpıadasyna toǵyz salmaqta joldama jeńip aldy. Olımpıada 23 shilde men 8 tamyz aralyǵynda ótedi dep josparlanýda.