Qazaqstandyq boksshylar jastar arasyndaǵy álem kýbogyna qatysady

ASTANA. QazAqparat – Qazaqstan 14-19 naýryz aralyǵynda Býdvada (Chernogorııa) ótetin «Adrıatıka injý-marjany» («Jemchýjına Adrıatıkı») atty bokstan halyqaralyq týrnırge qatysady, dep habarlaıdy QazAqparat Sports.kz-ke silteme jasap.

Halyqaralyq boks qaýymdastyǵy (IBA) atalǵan týrnırdiń mańyzdylyǵyn atap ótti. Óıtkeni, jarys jastar arasynda álem kýbogy mártebesine ıe. Básekede 2005-2006 jyldary týǵan uldar men qyzdar baǵyn synaıdy. Atap aıtqanda, uldar 13, al qyzdar 12 salmaq dárejesinde óner kórsetedi.

Qazaqstannan bólek álem kýbogyna Kýba, Reseı, Brazılııa, Túrkııa jáne basqa da elderden sportshylar qatysady. IBA bul jarysty 23 sáýir men 4 mamyr aralyǵynda Erevanda (Armenııa) ótetin Eýropa jastar chempıonatyna daıyndyq kezeńi retinde qarastyrady.