Qazaqstandyq boksshylar jastar arasynda Azııa chempıonatyn jeńispen bastady

ASTANA. QazAqparat – Taıland astanasy Bangkok qalasynda 22 jasqa deıingiler arasynda bokstan Azııa chempıonaty bastaldy, dep habarlaıdy QazAqparat tilshisi.

Kúndizgi sessııada 1/8 fınalda qazaqstandyqtardan rıngke alǵashqy bolyp 48 kelige deıingi salmaqta jastar arasynda álem chempıony, erler arasynda Azııa birinshiliginiń jeńimpazy Sanjar Táshkenbaı shyqty. Sanjar tóreshilerdiń biraýyzdan sheshimimen qyrǵyzstandyq Anvarjan Hodjıevti utty.

Taǵy bir qazaqstandyq, eresekter arasynda álem jáne Azııa chempıonatynyń kúmis júldegeri Mahmýd Sabyrhan 57 kelige deıingi salmaqta ózbekstandyq Mırzabek Mırzahalılovpen judyryqtasty. Mahmýd ta aıqyn basymdylyqpen jeńdi – 5:0.

Bokstan Azııa chempıonaty 27 qańtarǵa deıin jalǵasady.

Eske sala keteıik, budan buryn Qazaqstan qatysatyn bokstan jastar arasyndaǵy Azııa chempıonatynyń kestesi anyqtalǵanyn jazǵan edik.

Sondaı-aq, qazaqstandyq qyzdardyń qarsylastary anyqtaldy.

Qazaqstandyq 10 boksshy Azııa chempıonatynyń júldegeri atanyp úlgerdi.

Foto: sports.kz