Qazaqstandyq boksshylar Tashkenttegi halyqaralyq týrnırdiń shırek fınalyna shyqty
TAShKENT. Mamyrdyń 18-i. QazAqparat /Qurmat Samarhan/ - Qazaqstannyń boks quramasynyń tórt birdeı ókili Tashkentte ótip jatqan halyqaralyq týrnırdiń shırek fınalyna shyqty.
Dúısenbi, mamyrdyń 17-si kúni, Tashkenttegi «Jar» sport kesheninde Ózbekstannyń eńbek sińirgen jattyqtyrýshysy Sıdneı Djaksondy eske alýǵa arnalǵan halyqaralyq týrnırdiń aıasynda aldyn-ala jekpe-jekter jalǵasty.
Atap aıtqanda, rıngke shyqpaǵan qazaqstandyq Maqsat Álimbaev jeńilis taýyp, óz otandasy Serik Sápıevtiń (69 keli) shırek fınalǵa shyǵýyn qamtamasyz etti.
Al aýyr salmaqtaǵy boksshylar Danııar Ústembaev (91 kelige deıingi salmaq sanatynda) pen Rýslan Myrsataev (91 keliden joǵary) óz qarsylastary - ózbekstandyq Abdýsalom Abdýllaev pen Shohboz Isaqjanovty aıqyn basymdyqpen jeńdi.
64 kelige deıingi salmaq sanatynda óner kórsetken qazaqstandyq Danııar Eleýsinov te ózbekstandyq qarsylasy Talat Sháripovty 12:1 esebimen jeńip, týrnırdiń kelesi kezeńine joldama aldy.
Al Qazaqstan quramasynyń qalǵan ókilderi - Danııar Tólegenov, Danabek Sýdjanov jáne Marat Qııasovtar qarsylastaryna upaı sany boıynsha ese jiberip, shırek fınalǵa shyǵa almaı qaldy.
