Qazaqstandyq boksshylar Tashkenttegi halyqaralyq týrnırde tabysty óner kórsetýde
TAShKENT. Mamyrdyń 17-si. QazAqparat /Qurmat Samarhan/ - Qazaqstandyq komanda Tashkentte ótip jatqan bokstan halyqaralyq týrnırdi sátti bastady.
Jeksenbi, mamyrdyń 16-synda Tashkenttegi «Jar» sport kesheninde Ózbekstannyń eńbek sińirgen jattyqtyrýshy Sıdneı Lvovıch Djaksondy eske alýǵa arnalǵan halyqaralyq týrnırliń ashylý rásimi ótti. Jarysqa Reseı, Germanııa, Iran, Taıvan, Qazaqstan, Qyrǵyzstan jáne Ózbekstan elderinen 100-den astam sportshy qatysýda.
Jeksenbi kúni alǵashqy aldyn-ala jekpe-jekter ótti. Onda qazaqstandyq Birjan Jaqypov 70 kelige deıingi salmaqta qyrǵyzstandyq sportshy Azat úsenálıevti 8:3 esebimen ejeńdi. Qazaqstannyń taǵy bir ókili Mıras Jaqypov (52 keli), ırandyq Reza Abbasıdi eki ret nokdaýnǵa jiberip, ony aıqyn basymdyqpen jeńdi. Qazaqstandyq Samat Bashenov 60 kelige deıingi salmaq sanatynda 18:4 eseppen ózbek boksshysy Bohodyr Mamadjanovty jeńdi.
Dúısenbi, mamyrdyń 17-sinde qazaqstandyq boksshylardyń qatysýymen taǵy bes jekpe-jek ótedi.
Sıdneı Djakson Nıý-Iorkte, evreı otbasynda týǵan. Bronkste turǵan. Djekson 12 jasynda boskpen aınalysa bastaǵan, 18 jasynda kásipqoılar qataryna aıysqan. AQSh-ta kásipqoı boksshy bolǵan. Sıdneı Djakson 1922 jyly Tashkentke kelip, balalar úshin bokstan alǵashqy úıirme ashqan. Ol kóptegen daryndy boksshylardy, tájirıbeli jattyqtyrýshylar men mamandardy tárbıeleýge mol úles qosqan.
