Qazaqstandyq boksshylar Strandj kýbogine qatysady

ASTANA. QazAqparat - Búgin Bolgarııa astanasy Sofııa qalasynda bokstan Strandj kýbogi jalaýyn kóteredi, dep habarlaıdy QazAqparat tilshisi.

Atalǵan jarysta qazaqstandyq 13 bylǵary qolǵap sheberi el namysyn qorǵaıdy. Olardyń qatarynda Aslanbek Shymbergenov, Nurqanat Raıys, Bekzad Nurdáýletov, Qamshybek Qońqabaev syndy tájirıbeli sportshylar bar.

Qazaqstan quramasynyń atalǵan týrnırge qatysatyn tolyq tizimi tómendegishe:

Ernur Qaırat (48 keli)

Kenje Muratuly (51 keli)

Bekzat Aldamjarov (54 keli)

Orazbek Asylqulov (57 keli)

Erasyl Tańqaı (60 keli)

Ertýǵan Zeınýllınov (63,5 keli)

Temirhan Tezek (67 keli)

Aslanbek Shymbergenov (71 keli)

Nurqanat Raıys (75 keli)

Bekzad Nurdáýletov (80 keli)

Bekzat Tańatarov (86 keli)

Abzal Quttybekov (92 keli)

Qamshybek Qońqabaev (92 keliden joǵary).

Halyqaralyq týrnır 19-27 aqpan aralyǵynda ótkiziledi.

Bylǵary qolǵap básekesi 1950 jyldan beri turaqty túrde uıymdastyrylyp keledi. Atalǵan týrnır 2024 jylǵy Jazǵy Olımpıada oıyndaryna irikteý kezeńi sanalady.

Byltyr atalǵan týrnırde qazaqstandyq boksshylar 17 medalmen (4 altyn, 4 kúmis, 9 qola) jalpykomandalyq esepte ekinshi oryn alǵan edi.

Eske salsaq, Janqosh Turarov álem chempıony tıtýly úshin jekpe-jek ótkizedi.

Foto: Getty Images