Qazaqstandyq boksshylar Shanhaıdaǵy týrnırde 7 medal jeńip aldy

NUR-SULTAN. QazAqparat - Shanhaıda bokstan halyqaralyq týrnır aıaqtaldy, dep habarlaıdy QazAqparat Ulttyq olımpıada komıtetiniń baspasóz qyzmetine silteme jasap.

Jarys qorytyndysy boıynsha Qazaqstan qorjynynda jeti medal bar.

56 kelide Nurbol Qaljanov qytaılyq qarsylasynan basym túsip, týrnır jeńimpazy atandy. Sonymen qatar, 81 kelide Nurbek Oralbaı top jarsa, 91 kelide Aıbek Oralbaıǵa teń keler boksshy bolmady.

Samatáli Tóltaev 60 keli salmaq dárejesiniń fınalynda mońǵolııalyq boksshyǵa jol berip, kúmis júldeger atandy.

Talǵat Sháıken jaraqatyna baılanysty fınaldyq kezdesýge shyǵa almaı, 69 kelide kúmis júldeni mise tutty.

Shalqar Aıqynbaı 49 kelide, Damır Toıbaı +91 keli salmaq dárejesinde qola júldeger atanyp otyr.