Qazaqstandyq boksshylar Serbııadaǵy jarysta 5 altyn medal jeńip aldy (FOTO)
ASTANA. QazAqparat - Serbııa astanasynda Belgrade Winner atty halyqaralyq jarys aıaqtaldy. Myrzaǵalı Aıtjanov pen Marat Eleýsinovtiń jetekshiligindegi qazaqstandyq boksshylar bes altyn júldemen birinshi jalpykomandalyq oryndy ıelendi. Qazaqstandyq boks federatsııasynyń baspasóz qyzmetinde atap ótilgendeı, bizdiń elimizdiń atynan nebári bes boksshy qatysty.
49 kelige deıingi salmaq dárejesinde shyqqan Birjan Jaqypov jarystyń aqtyq kezeńinde shotlandııalyq sportshy Akıl Ahmedti jeńdi. Sultan Zaýyrbek (60 keli) ARV jarysynyń qatysýshysy, Brazılııa boksshysy Robson Konseısaoǵa múmkindik qaldyrǵan joq. Qazaqstan quramasynyń kapıtany Danııar Eleýsinov (69 keli) Germanııa boksshysy Abbas Baraýdy, al Nurbol Altaev (81 keli) - brazılııalyq Mıchel Borgesti jeńdi. 91 kelige deıingi salmaq dárejesinde shyqqan Vasılıı Levıt Italııanyń tanymal sportshysy, álemniń eki dúrkin chempıony, Olımpıada oıyndarynyń eki dúrkin kúmis chempıony Klemente Rýssony jeńdi.
Buǵan deıin naýryz aıynda Danııar Eleýsinov pen Vasılıı Levıt Fınlıandııadaǵy Gee Bee jarysynda jeńiske qol jetkizdi.
