Qazaqstandyq boksshylar Polshada eki «altyn», bir «kúmis» pen úsh «qola» enshiledi. VIDEO
ASTANA. 27 sáýir. QazAqparat - Qazaqstandyq eki boksshy Janna Shekerbekova men Alekseı Sevastıanov Felıks Shtammnyń júldesi úshin Polshada ótken bokstan beldi týrnırdiń jeńimpazdary boldy.
Bul týraly «V Kontakte» áleýmettik jelisinde málim etildi.
51 kelige deıingi salmaq dárejesinde óner kórsetetin J.Shekerbekova týrnırdiń fınalynda Kanada boksshysy Mendı Býjoldpen kezdesip, ony 10:7 esebimen jeńdi.
Qazaqstan quramasynyń qorjynyna ekinshi «altyndy» salýǵa Marına Volnovanyń múmkindigi boldy, biraq ol lań ıesi Lıdııa Fıdýramen ótken sheshýshi kezeńde 18:10 bolyp utylyp, jarystyń kúmis júldegeri atandy.
91 kelige deıingi salmaqtaǵy erler arasynda Sevastıanovqa teń kelgender bolmady. Qazaqstandyq boksshy fınalda ıýnıorlar arasyndaǵy álem chempıony, avstralııalyq výnderkınd Djeı Opetaııany 16:10 esebimen jeńdi.
Sondaı-aq jarystyń qola júldegerleri bolyp Azat Mahmetov (52 keli), Ǵanı Jaılaýov (60 keli) pen Meıirim Nursultanovtar (69 keli) atandy.
