Qazaqstandyq boksshylar Mınskidegi týrnırde búgin jartylaı fınaldyq jekpe-jekterin ótkizedi

ASTANA. QazAqparat - Mınsk qalasynda bokstan Keńes Odaǵynyń Batyry Vıktor Lıventsevti eske alýǵa arnalǵan halyqaralyq jarys ótip jatyr.

Keshe kezekti jekpe-jekterinde Abylaıhan Júsipov (64 keli) Ýkraına sportshysyn 2:1 esebimen utty. Shaımurat Qusaıynov (81 keli) ta ýkraınalyq qarsylasynan 3:0 esebimen basym tústi.

Búgin qazaqstandyq sportshylar ózderiniń jartylaı fınaldyq jekpe-jekterin ótkizedi. Erjan Jomart (49 keli) Ózbekstan ókilimen aıqassa, Abylaıhan Júsipov (64 keli) - túrik boksshysymen, al Shaımurat Qusaıynov (81 keli) men Erkin Muhamedjan (91 keli) - Grýzııa sportshylarymen kezdesedi.

Mınskidegi týrnır erteń, 8 mamyr kúni aıaqtalady, dep jazady sports.kz.