Qazaqstandyq boksshylar Kýbaǵa attanady
NUR-SULTAN. QazAqparat - Qazaqstandyq boksshylar Kýba astanasy - Gavana qalasynda aldaǵy Tokıo Olımpıadasyna daıyndyǵyn pysyqtaıdy, dep habarlaıdy QazAqparat tilshisi.
Olardyń qatarynda ulttyq quramaǵa múshe jáne rezervtegi bylǵary qolǵap sheberleri bar. Sońǵy el birinshiliginde kózge túsken birqatar jastar da atalǵan jıynǵa shaqyrtý alǵan.
Boksshylardy oqý-jattyǵý jıynyna Ǵalymbek Kenjebaev, Nurlan Aqúrpekov, Myrzaǵalı Aıtjanov jáne Asqar Erkebaev syndy bapkerler bastap barady. Mamandar eki quram boıynsha sportshylar daıyndyǵyn tarazylaıdy.
Kýba elindegi jıynǵa Ábilhan Amanqul, Abylaıhan Júsipov, Serik Temirjanov, Sáken Bıbosynov, Aıbek, Nurbek Oralbaılar, Samatáli, Sanatáli Tóltaevtar jáne basqa da sportshylar barady.
Oqý-jattyǵý jıynyn qańtar aıynyń ortasynan bastap sońyna deıin sozylady.
Esterińizge sala ketelik, budan ulttyq qurama sapyndaǵy birqatar qazaqstandyq boksshylar jattyǵý ótkizý úshin AQSh-qa attandy. Olardyń qatarynda Qamshybek Qońqabaev, Vasılıı Levıt, Bekzat Nurdáýletov, Zakır Safıýllın syndy boksshylar bar.
