Qazaqstandyq boksshylar qorjynynda - tórt altyn
ASTANA. 18 sáýir. QazAqparat - Armenııanyń Ulttyq Olımpıada komıtetiniń prezıdenti Gagık Tsarýkıannyń qoldaýymen Erevanda eresekter arasynda ótkizilgen halyqaralyq týrnırde qazaqstandyq boksshylar tórt altyn medal jeńip aldy,
dep habarlady Qazaqstannyń boks federatsııasy.
Baspasóz qyzmetiniń habarlaýynsha, qazaqstandyq úsh sportshy týrnır ıelerimen aqtyq jekpe-jekterdi kezekten buryn aıaqtady. Serik Sapıev (69 keli) pen Ivan Dychko (+91 keli) óz básekelesterin nokaýtqa ekinshi raýndta, al Vasılıı Levıt (91 keli) birinshi raýndta-aq attandyrdy. Asqar Abdýllaev (81 keli) Grekııa ókilin 16:14 esebimen jeńdi.
Sonymen qatar, Ǵanı Jaılaýov (60 keli) kúmis júldege, Birjan Jaqypov (49 keli) men Danabek Sýjanov (75 keli) eki qola medaldy jeńip aldy. Barlyǵy týrnırge 16 elden 112 boksshy qatysty. Bizdiń elden bokstan QR Ulttyq qurama komandasynyń 10 múshesi bardy.
