Qazaqstandyq boksshylar kelesi aıqastaryn Sıdneıde ótkizedi

NUR-SULTAN. QazAqparat - Qazaqstandyq kásipqoı boksshylar Aıdos Erbosynuly ımen Nursultan Jańabaevtyń tıtýldy jekpe-jekteri qaıda ótetini belgili boldy, dep habarlaıdy QazAqparat.

«Qazaqstan kásipqoı boksy» VKtontakte paraqshasynan habarlanǵandaı, ekinshi orta salmaqtaǵy Aıdos Erbosynuly (11-0, 8KO) men orta salmaqtaǵy Nursultan Jańabaev (7-0, 5KO) 14 tamyzda Sıdneıde sharshy alańǵa shyǵady. Olardyń qarsylastary jaqynda anyqtalmaq.

«Aıdos Erbosynuly ekinshi deńgeıli WBO Global, WBC Asia men WBA Inter-Continental tıtýlyn, Jańabaev WBA Inter-Continental beldigin qorǵaıdy», - delingen habarlamada.

Aıta ketsek, boksshylardyń ekeýi de sońǵy aıqasyn 24 naýryzda Almatyda ótkizgen edi. Almaty Arena sport kesheninde ótken boks keshinde amıbııalyq boksshy Lýkas Ndafolýmany (15-1, 6 KO) jeńdi.

Al Nursultan Jańabaev venesýelalyq 25 jastaǵy Ivan Matýteden aılasyn asyrdy.