Qazaqstandyq boksshylar Kanadada kimdermen judyryqtasady

ASTANA. QazAqparat - 13 qazanda Kanadanyń Kvebek provıntsııasynda boks keshi ótedi. Onda jeńilip kórmegen qazaqstandyq úsh boksshy rıngke shyǵady. Bul týraly Qazaqstan kásibı boksy VKontakte áleýmettik jelisinde málim etti, dep habarlaıdy QazAqparat.

Aıta ketý kerek, otandyq sportshylardyń barlyq qarsylastary meksıkalyq boksshylar bolyp tabylady, al jekpe-jekter segiz raýndqa bólingen.

Ekinshi orta salmaq dárejesindegi boksshy Nursat Sábırov (7-0, 6KO) Adrıan Lýna Florespen (20-5-1, 13KO) kezdesedi. Meksıkalyq boksshynyń laqap aty - «Taıson».

Birinshi orta salmaqta oıyn kórsetetin Sadrıddın Ahmedov (3-0, 3KO) Norberto Gonsalespen (23-11, 13KO) aıqasady. Atalmysh boksshy qazaqstandyq boks jankúıerlerine jaqsy tanys. Sportshy 2017 jylǵy mamyrda tóreshilerdiń bir aýyzdan qabyldaǵan sheshimine sáıkes, otandasymyz Qanat Islamnan (25-0, 20KO) jeńilip qalǵan edi.

Al jeńil salmaqtaǵy Abylaıhan Husaınov (8-0, 5KO) Hesýs Lagýnamen (22-12-3, 19KO) judyryqtasatyn boldy.